Ўзбекистонда пенсия автоматик равишда тайинланади — ариза бериш талаб қилинмайди.

Олий Мажлиснинг Қонунчилик палатаси 13 февралда пенсияларни проактив таъйинлаш тизимига ўтиш ҳақидаги қонунни биринчи ўқишда қабул қилди. Яқинда автоматлаштирилган система орқали эркакларга 60, аёлларга 55 ёшда пенсия таъйинланади. Бу ўзгаришлар давлат хизматлари сифатини яхшилаш ва ижтимоий ҳимояни оптималлаштиришга қаратилган.

· Oliy Majlisning Qonunchilik palatasi 13-fevralda pensiyalarni tayinlashning proaktiv tizimiga o’tish to’g’risidagi qonunni birinchi o’qishda qabul qildi.

· Ushbu hujjat davlat xizmatlari sifatini yaxshilash va pensiya tizimiga raqamli texnologiyalarni joriy etishga qaratilgan.

· «Fuqarolarning davlat pensiya ta’minoti to’g’risida»gi qonunga kiritilgan o’zgartirishlar erkaklarga 60 yoshga to’lganida, ayollarga esa 55 yoshga to’lganida pensiyani avtomatik ravishda tayinlash imkonini beradi.

· Hozirda fuqarolar pensiya tayinlash uchun ariza berishlari va to’lov huquqini tasdiqlovchi hujjatlarni taqdim etishlari kerak edi, endi bu jarayon tegishli vazirliklar o’rtasidagi axborot almashinuvi orqali avtomatlashtiriladi.

· Iqtisod va moliya vaziri o’rinbosari Gulnora Rahimova ma’lum qilishicha, ushbu o’zgarishlar natijasida yiliga o’rtacha 250 ming kishi Pensiya fondi va davlat xizmatlari markazlariga ariza berish uchun bormasligi mumkin, bu esa ularga vaqt va mablag’ni tejash imkonini beradi.

· Prezidentning 2023-yil 31-oktabrdagi qaroriga ko’ra, pensiya tayinlashning proaktiv shaklini joriy etish 2025-yil 1-martda rejalashtirilgan.

· Qonun loyihasi, shuningdek, barcha turdagi nafaqa va to’lovlarni tayinlash va amalga oshirish huquqini Ijtimoiy himoya milliy agentligiga o’tkazishni nazarda tutadi.

· Ushbu jarayon ijtimoiy yordamga muhtoj fuqarolarni qo’llab-quvvatlash jarayonini optimallashtirish uchun «Davlat to’lovi to’g’risida» va «Aholini ish bilan ta’minlash to’g’risida»gi qonunlarga o’zgartirishlar kiritishni talab qiladi.

Метки

Tegishli xabarlar