Ўзбекистонда тўлов хизматларида пул ўтказмалари устидан назорат кучайтирилади

· 28 мартда Адлия вазирлиги жиноят йўли билан олинган даромадларни легализация қилишга қарши ички назорат қоидаларидаги ўзгартиришларни рўйхатдан ўтказди.

· Янгиланган талабларга мувофиқ, тўлов ташкилотлари мижозларни текшириш бўйича мустақил чоралар кўришлари лозим бўлади.

· Мажбурий текширишлар, жумладан, фуқароларнинг мобил илова орқали ҳисоб очиш учун мурожаат қилишида, электрон терминал олиш учун товар ва хизмат етказиб берувчиларнинг мурожаатларида, 30 БРВ (11,25 миллион сўм) ва ундан юқори маблағларда пул ўтказмаларини амалга оширишда, 500 БРВ (187,5 миллион сўм) ва ундан юқори операцияларда амалга оширилади.

· Тўлов хизмати 30 БРВ ва ундан юқори ички ўтказмалар учун фуқаролардан шунчаки исм, шахсни тасдиқловчи ҳужжатнинг серияси ва рақами, манзил ёки ИНН, ҳамда қабул қилувчининг маълумотларини талаб қилишлари керак.

· Агар қабул қилувчи банк, юборувчининг тўлиқ маълумотини бошқа манбалардан олиш имконига эга бўлса, тўлов ташкилотига фақат шахсий идентификация рақамини тақдим этиш кифоя.

· 30 БРВ дан камроқ пул ўтказмаларини амалга оширишда юридик шахслар учун номини, фуқаролар учун эса юборувчи ва қабул қилувчининг ФИОсини кўрсатиш етарли.

· Тўлов тизимлари операторлари мижозларни идентификация қилиш жараёнида олинган маълумотлар билан шикоят қилинган шахслар рўйхатидаги маълумотлар орасида аниқлик даражасини аниқлашлари керак.

· Агар юридик шахсларни текшириш жараёнида номинал директорлар ёки муассисларни аниқлашса, улар бу ҳақда махсус ваколатли давлат органини хабардор қилишлари шарт.