Ўзбекистонда уй-жой ва ипотека бозорини ривожлантириш бўйича янги чоралар тасдиқланди.

· O‘zbekiston prezidenti uy-joy bozorini va ipoteka kreditlash tizimini yanada rivojlantirish bo‘yicha farmon imzoladi.

· 2025 yilgacha aholini uy-joy bilan ta’minlash dasturi doirasida mamlakatning turli hududlarida 135 ming kvartira qurilishi rejalashtirilgan, ularning umumiy maydoni 8,1 million kvadrat metrni tashkil etadi.

· Ipotekani yanada qulaylashtirish maqsadida davlat tomonidan dastlabki to‘lovlar va foiz to‘lovlarini subsidiyalash uchun 2,5 trillion so‘m ajratiladi, shuningdek, ipoteka kreditlashiga 20,9 trillion so‘m yo‘naltiriladi.

· Qurilish kompaniyalariga ko‘p qavatli uylar qurilishi uchun aylanma mablag‘larni ta’minlash maqsadida budjetdan 700 milliard so‘m va tijorat banklaridan 3 trillion so‘m ajratilishi rejalashtirilmoqda.

· 1 martdan boshlab qurilish uchun yangi hududlar urbanizatsiya tamoyillari asosida tanlanadi, 1 maydan esa yer uchastkalarini ijaraga berish bo‘yicha yangi auktsion tartibi joriy etiladi, unda faqatgina QQS to‘lovchilari ishtirok etishi mumkin.

· Auktsion orqali yer ijaraga oladigan qurilish kompaniyalari 12 oy davomida yer solig‘idan ozod qilinadi.

· «Yangi O‘zbekiston» massivida faoliyat yuritayotgan quruvchilarga 1 martdan 24 oylik kreditlar berilishi rejalashtirilgan, bunda imtiyozli davr 12 oy bo‘ladi va foiz stavkasi Markaziy bankning asosiy stavkasidan 2 foiz punktidan oshmasligi kerak.