O‘zbekistonliklar Qozog‘istondan yer osti quvuri orqali noqonuniy ravishda benzin olib kelgan

Qozog‘istondan olingan AI-92 rusumli benzinni noqonuniy olib o‘tgan va sotgan O‘zbekistonning ikki fuqarosi qo‘lga olindi.

· Toshkent viloyati Qibray tumanida yashovchi M. M. va X. X. Qozog‘istonni O‘zbekiston bilan bog‘laydigan uzunligi qariyb 300 metrga yaqin yer osti quvuri orqali shlang yotqizish yo‘li bilan benzin tashish sxemasini tashkil qilgani aniqlandi.

· Hozirda qo‘lga olinganlarga nisbatan jinoyat ishi qo‘zg‘atilib, tergov harakatlari olib borilmoqda.

· Ushbu sxema bo‘yicha o‘zbeklar bilan hamkorlik qilgan Qozog‘iston fuqarosi A.K.ning qilmishlaridan Qozog‘iston huquq-tartibot idoralari ham xabardor qilingan.

· Gazeta.uz ma’lumotlariga ko‘ra, O‘zbekiston AI-95 benzinining narxi bo‘yicha dunyoda 43-o‘rinni egallab turibdi, uning narxi o‘rtacha litri 12 916 so‘mni tashkil etadi, bu esa qo‘shni Qozog‘istondagidan yuqori, u yerda narxi 6 066 so‘m.

· O‘tgan yili Qozog‘iston Energetika vazirligi yoqilg‘ining qo‘shni davlatlarga noqonuniy eksport qilinishining oldini olish maqsadida xorijliklar uchun benzin va dizel yoqilg‘isi narxini oshirdi.

Shu tariqa, mintaqada yoqilg‘i narxlari bilan bog‘liq vaziyat keskinligicha qolmoqda, bu esa noqonuniy savdo sxemalarining paydo bo‘lishiga xizmat qilmoqda.