«Amerikaning oltin davri endi boshlanadi» — Donald Trampning inauguratsiya marosimidagi so’zlari

Donald Tramp 2025-yil 20-yanvarda AQShning 47-prezidenti sifatidagi ikkinchi muddatini rasman boshladi va Amerika uchun yangi “Oltin asr” boshlanganini e’lon qildi.

· Tramp asosiy e’tiborni mamlakat suvereniteti va xavfsizligini tiklashga qaratib, Amerika manfaatlarini birinchi o‘ringa qo‘yishga va davlat idoralaridan fuqarolarga nisbatan “shafqatsiz foydalanish”ni to‘xtatishga va’da berdi.

· Inauguratsiya marosimida u hukumatga bo’lgan ishonch inqirozini yengish zarurligi haqida gapirib, hayot va xavfsizlik darajasining pasayishiga olib kelgan korruptsiya va samarasizlikda hokimiyatni aybladi.

· Prezident AQSh chegaralari xavfsizligini taʼminlash uchun zudlik bilan chora koʻrishga, jumladan janubiy chegarada milliy favqulodda holat eʼlon qilishga va noqonuniy muhojirlarni oʻz mamlakatlariga qaytarishga vaʼda berdi.

· Tramp Amerikaning iqtisodiy qudratini tiklash, jumladan, inflyatsiyani pasaytirish va energiya ishlab chiqarishni oshirish, shuningdek, Yashil yangi kelishuvni bekor qilish niyatini bildirdi.

· U, shuningdek, so‘z erkinligini tiklash zarurligi haqida gapirib, hukumat senzurasini tugatish va adolatni o‘rnatishga va’da berdi.

· Uning kun tartibining muhim qismi federal institutlarga bo’lgan ishonchni tiklashga qaratilgan hukumat samaradorligi bo’yicha yangi departamentni yaratish edi.

· Tramp oʻz maʼmuriyati milliy birlikni targʻib qilish va Amerika gʻururini tiklashga intilishiga vaʼda berdi va u tinchlikparvar va birlashtiruvchi boʻlishga intilishini taʼkidladi.

Yakunida Tramp Amerika oʻzining buyukligiga qaytishiga ishonch bildirdi va bu maqsadga erishish uchun birgalikda harakat qilish muhimligini taʼkidladi.