Fitch Ratings Milliy bankning barqarorlik reytingini B+ ga oshirdi

· Fitch Ratings xalqaro reyting agentligi O‘zbekiston Respublikasi Tashqi iqtisodiy aloqalar milliy banki AJning barqarorlik reytingini “B”dan “B+” darajasiga ko‘tardi.

· Emitentning uzoq muddatli defolt reytingi xorijiy va milliy valyutalarda “Barqaror” prognozi bilan “BB-” darajasida tasdiqlandi.

· Reytingning oshishi bankning biznes jarayonlarini takomillashtirish va faoliyatini diversifikatsiya qilishga yo‘naltirilgan muvaffaqiyatli transformatsiyasi tufayli mumkin bo‘ldi.

· Operatsion samaradorlikni oshiruvchi zamonaviy boshqaruv usullarini joriy etish, shuningdek, kichik va o’rta biznes, xususiy sektor va chakana kreditlashni rivojlantirishga e’tibor qaratilishi ushbu qarorga ta’sir ko’rsatgan asosiy omillar bo’ldi.

· Bank xizmat ko‘rsatish portfelini kengaytirish, davlat korxonalari ulushini qisqartirish hamda KO‘B va chakana savdo segmentlarida kreditlash hajmini oshirish bo‘yicha faol ish olib bormoqda.

· 2023-yilda “O‘zbekiston Milliy banki” AJ daromadlarining ijobiy dinamikasini, jumladan, valyuta operatsiyalarining sezilarli o‘sishini ko‘rsatdi.

· Davlat tomonidan qo‘llab-quvvatlash bank strategiyalarini amalga oshirishning muhim jihati hisoblanadi, biroq innovatsiyalar va mijozlarga yondashuv o‘zgarishlarning asosiy omili bo‘lib qolmoqda.

· Fitch reytingining oshishi O‘zbekiston Milliy banki AJ ishonchliligini va uning O‘zbekiston iqtisodiy rivojlanishidagi asosiy rolini tasdiqlaydi, shuningdek, bankning yangi ish o‘rinlarini yaratish va mamlakat moliyaviy barqarorligini mustahkamlashga qaratilgan investitsiya va infratuzilma loyihalariga qo‘shgan hissasini alohida ta’kidlaydi.