General Kirillovning qotilligida gumonlanuvchi Moskvaning Basmanniy sudi tomonidan hibsga olindi

· Moskvaning Basmanniy tuman sudi Ryazanskiy prospektida general-leytenant Igor Kirillov va uning yordamchisining o‘limiga sabab bo‘lgan terakt uyushtirishda ayblanayotgan O‘zbekiston fuqarosi Ahmad Qurbonovni qamoqqa olishga qaror qildi.

· Sud Qurbonovni hibsga olish muddatini ikki oy, 2025-yil 17-fevralgacha belgiladi. Uni umrbod qamoq jazosi kutmoqda.

· Qurbonovga qo‘yilgan ayblovlar orasida terrorchilik akti, portlovchi moddalarni noqonuniy olish va saqlash, portlovchi moslamalarni noqonuniy ishlab chiqarish kiradi.

· Qo‘lga olingan shaxsning so‘zlariga ko‘ra, u o‘z aybiga iqror bo‘lgan va Ukraina maxsus xizmatlari tomonidan 100 ming dollar to‘lash va Yevropa Ittifoqi davlatlaridan birining fuqaroligini ta’minlash va’dasi bilan terakt uyushtirish uchun yollanganini aytgan.

· Qurbonov avtomobilni general Kirillovning uyi yoniga qo‘yish va videokamera o‘rnatish uchun ijaraga olgan. Shuningdek, u portlovchi moslamani tashish uchun elektr skuter sotib oldi va uni taqdim etilgan ko’rsatmalarga muvofiq yig’di.

· Kirillov va uning yordamchisi kirish joyidan chiqib ketayotgan vaqtda Qurbonov portlovchi moslamani ishga tushirgan.

· General Kirillov avvalroq maxfiy biologik laboratoriyalar haqidagi ma’lumotlarning oshkor etilishi munosabati bilan uning uchun ehtimoliy «ov» haqida gapirgan edi.

· Oʻzbekistonning Rossiyadagi diplomatik vakillari oʻz fuqarosining hibsga olingani haqida qoʻshimcha maʼlumot olish uchun Rossiya huquq-tartibot idoralari bilan aloqada ekanliklarini maʼlum qilishdi.