Janubiy Koreyaning sobiq mudofaa vaziri o‘z joniga qasd qilishga urindi;

Janubiy Koreyaning sobiq mudofaa vaziri Kim Yon Xyon Seuldagi tergov izolyatorida o‘z joniga qasd qilishga urindi.

· Hodisa 10 dekabrda, sobiq vazir prezident Yun Seok Yolga harbiy holat joriy etish orqali isyon uyushtirishda yordam berganlikda ayblanib, rasman hibsga olinishidan sal avval sodir bo‘lgan.

· Kim Yong Xyon birinchi bo’lib fitnaga urinishda hibsga olindi. Ayni damda uning sog‘lig‘i tashvishlantirmaydi va u himoya kamerasiga yotqizilgan.

· Tergovning ta’kidlashicha, Kim prezidentga harbiy holat e’lon qilishni va harbiylarni Milliy assambleya binosiga joylashtirishni taklif qilgan.

· Prezident Yun Seok-Yol ham bu ishda gumonlanuvchi hisoblanadi va mamlakatdan chiqib ketish taqiqlanadi. Politsiya uning ofisiga bostirib kirdi.

· Janubiy Koreya parlamenti prezidentning qo‘zg‘olonga munosabatini tekshirish uchun maxsus prokuror tayinlash to‘g‘risidagi qonun loyihasini qabul qildi.

· Janubiy Koreya qonunchiligiga ko‘ra, prezident hokimiyat tepasida turgan paytda sudga tortilishi mumkin emas, isyon ko‘tarilgan holatlar bundan mustasno.

· Qo’zg’olon tashkilotchilari o’lim jazosi yoki umrbod qamoq jazosi, ishtirokchilar esa kamida besh yil qamoq jazosiga hukm qilinadi.

· Prezident Yun 3 dekabr kuni harbiy holat e’lon qildi, biroq parlament bu qarorni to’sib qo’ydi, bu esa qarorning bekor qilinishiga va Kim Yon Xyonning iste’foga chiqishiga olib keldi.

· Muxolifat partiyalari prezidentga impichment e’lon qilish tashabbusi bilan chiqishga urindilar, biroq kvorum yo’qligi sababli kerakli miqdordagi ovozlarni to’play olmadilar.