Kalyon Insaat Turkiyadagi qurilish maydonchalarida 1410 nafar o‘zbekistonlik ish bilan ta’minlanadi

O‘zbekiston Migratsiya agentligi va Turkiyaning Kalyon Insaat qurilish kompaniyasi O‘zbekiston fuqarolarini Turkiyada ishga joylashtirish bo‘yicha qo‘shma loyihani boshladi.

· Kelishuv doirasida 1410 nafar O‘zbekiston fuqarosini Turkiyadagi qurilish loyihalariga ishga joylashtirish rejalashtirilgan.

· Dastlabki 20 nafar ishchi 1 dekabr kuni Toshkentdan Istanbulga uchgan bo‘lsa, yana 40 kishi Samarqanddan 3 dekabr kuni jo‘nab ketadi. Birinchi bosqichda korxonaga 60 nafar mutaxassis, 2025 yilning yanvaridan esa yana 1350 nafar mutaxassis ishga qabul qilinadi.

· Ish beruvchi transport, turar joy, oziq-ovqat, kiyim-kechak va himoya vositalari bilan bog’liq xarajatlarni o’z zimmasiga oladi, shuningdek, munosib ish haqi va xodimlarning mehnat huquqlarini hurmat qilishni kafolatlaydi.

· 1974-yilda tashkil etilgan Kalyon Insaat Turkiyada yirik loyihalarni amalga oshirish, jumladan Istanbul aeroporti va Marmaray temir yo‘l tunnelini qurish bilan mashhur.

Shunday qilib, bu hamkorlik O‘zbekiston fuqarolarining mehnat migratsiyasi uchun yangi imkoniyatlar ochadi va Turkiyada qurilish sohasini rivojlantirishga xizmat qiladi.