“Milliy bank” va turk investorlari zargarlik sanoati sohasida loyihalarni yo‘lga qo‘ymoqda

· O‘zbekistonda zargarlik sanoatini rivojlantirishga xorij tajribasini jalb etish, xususan, Buxoro shahrida zamonaviy zargarlik markazini tashkil etish bilan kirishildi.

· “O‘zbnatsbank” AK sho‘ba korxonasi – “NBU Invest Group” AK va Turkiyaning zargarlik sohasida o‘zining 25 yillik tajribasi bilan mashhur “Pala Golden Jewellery” kompaniyasi o‘rtasida hamkorlik shartnomasi imzolandi.

· Buxoro shahridagi yangi zargarlik markazi yiliga 300 kilogramm zargarlik buyumlari ishlab chiqaradi va mahalliy sanoatni rivojlantirishda muhim elementga aylanadi.

· Markazda oltin zahiralarini saqlash ombori, ko’rgazma zali, ishlab chiqarish maydonchalari, mahsulotlarning haqiqiyligini aniqlash laboratoriyalari va mutaxassislar tayyorlash kurslari kabi qulayliklar mavjud.

· Majmuaning ishga tushirilishi 2025-yilning birinchi choragiga mo‘ljallangan bo‘lib, u ham mahalliy yoshlar uchun ish o‘rinlari yaratish, ham Turkiyadan tajribali mutaxassislarni jalb etish imkonini beradi.

· Zargarlikka ixtisoslashgan O‘zbekiston ta’lim muassasalari talabalari ham yangi markazda, ham Pala Golden’ning xorijiy korxonalarida o‘z malakalarini oshirishlari mumkin.

Buxoroda zargarlik markazining tashkil etilishi O‘zbekistonda zargarlik sanoatini rivojlantirishda muhim qadam bo‘lib, mahalliy mutaxassislarga zamonaviy texnologiyalar va bilimlardan foydalanish imkonini beradi.