Mirziyoyev yangi bog‘ga ko‘chat ekdi

O‘zbekiston Prezidenti Shavkat Mirziyoyev 23-noyabr kuni “Yashil makon” milliy loyihasi doirasida barpo etilayotgan yangi bog‘ga ko‘chat ekishda ishtirok etdi.

· “Yashil makon” loyihasi uch yil avval prezident tashabbusi bilan boshlangan va mamlakatni ko‘kalamzorlashtirishga fuqarolarni jalb qiluvchi ommaviy harakatga aylangan.

· O‘tgan yillarda Mirziyoyev Toshkentning Yangi Toshkent, Sirg‘ali, Chilonzor kabi turli tumanlarida ko‘chat o‘tqazgan edi.

· Joriy yilda Bektemir tumanida poytaxtimiz halqa yo‘li bo‘yida belgilangan 100 gektar maydonda yangi yashil maydon barpo etildi.

· Loyiha doirasida ikki yil davomida 100 ming tup daraxt va buta ko‘chatlari ekish, ularni sug‘orish uchun uchta sun’iy suv ombori va 12 quduq yaratish rejalashtirilgan.

· Loyihaning asosiy maqsadi shaharlarni ko‘kalamzorlashtirish darajasini 30 foizga yetkazish, shuningdek, ular atrofida “yashil belbog‘” va tabiiy o‘rmon yaratishdan iborat.

· Shavkat Mirziyoyev tabiatni asrash muhimligini ta’kidlab, uni “ona” deb atadi va zamonaviy ekologik muammolar sharoitida “Yashil Makon” loyihasi ayniqsa dolzarb bo‘lib borayotganini ta’kidladi.

· Kelgusi yil mamlakatda atrof-muhitni muhofaza qilish yili deb e’lon qilinadi, bu esa ekologik muammolarga jiddiy yondashishga urg’u beradi.