Oʻzbekistonda payshanba kunini “Jismoniy tarbiya va sport kuni” deb belgilash rejalashtirilmoqda.

Prezident Shavkat Mirziyoyev 21-noyabr kuni yoshlarni sportga keng jalb etish borasidagi yangi tashabbuslar bilan tanishdi.

· O‘zbekistonda 10 milliondan ortiq kishi ommaviy sport bilan faol shug‘ullanadi, o‘quv va mehnat jamoalarida musobaqalar muntazam o‘tkazib kelinmoqda.

· Jamoaviy sport turlarini rivojlantirish uchun “Mahalla ligasi”, “Maktablar ligasi” kabi yangi ligalarni tashkil etish, davlat oliy o‘quv yurtlarida sport klublarini tashkil etish taklif etilmoqda.

· Tashabbus doirasida “Talabalar ligasi”, “Vazir kubogi” va “Rektor kubogi” kabi musobaqalarni o‘tkazish rejalashtirilgan.

· Har payshanba “Jismoniy tarbiya va sport kuni” deb e’lon qilinadi, bu faol turmush tarzini targ‘ib qilishga yordam beradi.

· Sport maktablariga yoshlarni sportga jalb etish natijalariga ko‘ra yangi mukofot tizimi joriy etiladi.

· Sport inshootlari infratuzilmasi turli sport turlariga moslashtiriladi, milliy ligalarga qo‘shimcha yordam ko‘rsatiladi.

· Har bir tumanda hududiy sport klublari tashkil etiladi, iqtidorli sportchilarni saralab olish uchun ERP Sport tizimi joriy etiladi.

· Sport maktablarida to‘garaklar tashkil etganliklari uchun qo‘shimcha rag‘batlantiriladigan mahallalar va ta’lim muassasalari bilan hamkorlikda ish olib boruvchi selektor-murabbiylar bo‘ladi.

Bu chora-tadbirlar mamlakatimizda yoshlar o‘rtasida sportni rivojlantirish, jismoniy tarbiya uchun qulay shart-sharoit yaratishga qaratilgan.