O’zbekiston Germaniya bilan migratsiya sohasida kelishuvni tasdiqladi

O‘zbekiston Prezidenti Shavkat Mirziyoyev 4 mart kuni O‘zbekiston va Germaniya o‘rtasida migratsiya va harakatlilik sohasida hamkorlik to‘g‘risidagi kelishuvni tasdiqladi. 2024 yil 15 sentyabrda Samarqandda Germaniya kansleri Olaf Sholts ishtirokida imzolangan hujjat 25 moddadan iborat bo‘lib, malakali mutaxassislar, talabalar va olimlar uchun adolatli harakatlilikni rag‘batlantirishni ko‘zda tutadi. Shuningdek, vaqtincha migratsiyani soddalashtirish, noqonuniy migratsiya va mehnat ekspluatatsiyasiga qarshi kurashish masalalarida hamkorlikni o‘z ichiga oladi.

· Ўзбекистон президенти Шавкат Мирзиёев 4 март куни Ўзбекистон ва Германия ҳукуматлари ўртасида миграция ва ҳаракатланиш соҳасида барқарор ҳамкорлик тўғрисидаги келишувни тасдиқлади.

· Келишув 2024 йил 15 сентябрда Самарқандда Германия канцлери Олаф Шольцнинг ташрифи доирасида имзоланган.

· Миграция агентлиги Ўзбекистон Республикаси Ҳукуматига қарашли бўлиб, ташқи меҳнат миграцияси учун масъул орган сифатида белгиланган.

· Ички ишлар вазирлиги реадмиссия учун жавобгар бўлади.

· Келишув 25 моддадан иборат бўлиб, малакали мутахассисларни, талабаларни, касбий таълим олаётган шахсларни, журналистлар ва олимларни икки мамлакатда ишлашга рағбатлантиришни кўзда тутади.

· Шунингдек, келишув вақтинча миграцияни рағбатлантириш ва соддалаштириш, ишлаш, касбий таълим олиш ва малака ошириш мақсадида мамлакатда узоқ муддат қолишни рағбатлантиришни ҳам қамраб олади.

· Тарафлар қонунсиз миграция, мигрантларнинг ноқонуний олиб кирилиши, меҳнат эксплуатацияси, мажбурий меҳнат ва одам савдоси билан курашишда ҳам ҳамкорлик қиладилар.

· Келишув шундан ташқари, чет элликларни учинчи мамлакатга қайтариш учун транзит имкониятини ҳам назарда тутади.

· Оммавий ахборот воситалари Тошкент орқали афғонларни депортация қилиш мумкинлиги ҳақида хабар берган.

Kalit so'zlar

Tegishli xabarlar