“O‘zbekiston havo yo‘llari” samolyotdagi bezorilik holatiga javob qaytardi

“O‘zbekiston havo yo‘llari” Milliy aviakompaniyasi Sochidan Toshkentga uchayotgan samolyotda styuardessaning bezovtalanishi bilan bog‘liq hodisaga izoh berdi.

· 2024-yil 31-dekabrda amalga oshirilgan HY686 reysi bortida yo‘lovchilardan biri spirtli ichimlik iste’mol qilib, styuardessalarga nisbatan tajovuzkorlik ko‘rsatib, xulq-atvor qoidalarini buzgan.

· Yo‘lovchi boshqa yo‘lovchilarga noqulaylik tug‘dirib, aviakompaniya xodimlariga nisbatan noo‘rin xatti-harakatlarga yo‘l qo‘ygan.

· O‘z qilmishi natijasida huquqbuzar O‘zbekiston Respublikasi Ma’muriy javobgarlik to‘g‘risidagi kodeksining 41-1 (Jinsiy zo‘ravonlik) va 187-moddasi (Jamoat joylarida spirtli ichimliklar iste’mol qilish) bilan aybdor deb topildi.

· Sud hukmi bilan huquqbuzarga nisbatan besh sutkalik qamoqqa olish, shuningdek, 1 ta asosiy hisob-kitob summasi miqdorida jarima belgilandi.

“O‘zbekiston havo yo‘llari” Milliy aviakompaniyasi yo‘lovchilarning xulq-atvorini qat’iy nazorat qilish va bortda xavfsizlikni ta’minlash uchun huquqni muhofaza qiluvchi organlar bilan hamkorlik qilish muhimligini ta’kidlaydi.