O‘zbekiston Prezidenti Rossiya Bosh prokurori bilan uchrashdi

O‘zbekiston Prezidenti Shavkat Mirziyoyev mamlakatimizda amaliy tashrif bilan bo‘lgan Rossiya Bosh prokurori Igor Krasnov bilan uchrashdi.

· O‘zbekiston va Rossiya o‘rtasidagi strategik sheriklikni avval erishilgan kelishuvlarga muvofiq mustahkamlash masalalari muhokama qilindi.

· Terrorizm va ekstremizm, shuningdek, kiberjinoyat va korruptsiyaga qarshi kurashda hamkorlikning jihatlariga e’tibor qaratildi.

· Noqonuniy migratsiya va jinoiy aktivlarni qaytarish, shuningdek, huquqni muhofaza qilish organlariga sun’iy intellekt texnologiyalari va raqamlashtirishni joriy etish masalalari ko‘rib chiqildi.

· Ikki mamlakat prokuratura organlari o‘rtasida yaqinroq muloqot o‘rnatish, o‘zaro aloqalarni kengaytirish va qo‘shma tadbirlar tashkil etish muhimligi ta’kidlandi.

Uchrashuv yakunlari bo‘yicha tomonlar huquq-tartibot va xavfsizlik sohasida hamkorlikni yanada rivojlantirishga tayyor ekanliklarini bildirdilar.