“O‘zbekiston xorijiy hamkorlarga uran va strategik resurslarni o‘zlashtirish uchun qulay shart-sharoitlarni taklif qilmoqda”

O‘zbekiston Prezidenti Shavkat Mirziyoyev Birlashgan Arab Amirliklarida bo‘lib o‘tayotgan Abu-Dabi Barqaror rivojlanish haftaligi sammitida nutq so‘zladi.

· Sammitda bir qator davlatlar, jumladan, Amirliklar, Ozarbayjon, Qozog‘iston va Nigeriya prezidentlari, shuningdek, Malayziya Bosh vaziri va boshqa xorijiy davlatlar rahbarlari ishtirok etmoqda.

· Mirziyoyev iqlim oʻzgarishi oqibatlarini yumshatish va barqaror rivojlanishni taʼminlash uchun energiya manbalarini diversifikatsiya qilish va uglevodorodlar ulushini kamaytirish zarurligiga eʼtibor qaratdi.

· U O‘zbekistonda uzoq muddatli past uglerodli rivojlanish strategiyasi va milliy yashil moliyalashtirish dasturi ishlab chiqilganini, kelgusi besh yil ichida investitsiya loyihalarining yashil komponentlarini 50 foizgacha oshirish rejalashtirilganini ta’kidladi.

· Prezident “Yashil Makon” dasturi doirasida 2030 yilga borib issiqxona gazlari chiqindilarini 35 foizga kamaytirish va shahar hududlarini 30 foizga ko‘kalamzorlashtirish rejalarini ma’lum qildi.

· So‘nggi besh yilda mamlakatimiz energetika sohasiga qariyb 20 milliard dollarlik xorijiy sarmoya jalb etildi, buning natijasida 9,6 GVt zamonaviy quvvat, jumladan, 14 quyosh va shamol elektr stansiyasi ishga tushirildi.

· O‘zbekistonda 2030-yilga borib qayta tiklanuvchi energiya manbalari ulushini 54 foizga oshirish maqsadi ko‘zlangan umumiy quvvati 24 GVt bo‘lgan 50 dan ortiq yirik elektr energiyasi ishlab chiqarish loyihasi amalga oshirilmoqda.

· Prezident yashil iqtisodiyot sohasida mintaqaviy hamkorlik muhimligini ta’kidlab, Qozog‘iston va Ozarbayjon bilan Yevropaga yashil energiya eksporti bo‘yicha yaqinda imzolangan kelishuvni eslatib o‘tdi.

· O‘zbekiston BAAga qayta tiklanadigan energiya sohasida strategik hamkor sifatida qaraydi, sarmoyalari 26 milliard dollardan oshadi.

· Mirziyoyev Markaziy Osiyoning quyosh, shamol va gidroenergetika, shuningdek, “yashil” vodorod ishlab chiqarish sohasidagi salohiyatini birgalikda amalga oshirishdan manfaatdorligini bildirdi.

· Ekologiya va barqaror rivojlanish sohasida ilmiy-tadqiqot dasturlarini amalga oshirish uchun ilmiy markazlar va ekspertlar o‘rtasida hamkorlik qilishga chaqirdi.

· Prezident, shuningdek, iqlim o‘zgarishi oqibatlariga qarshi kurashish tashabbuslarini, jumladan, zararni baholash bo‘yicha xalqaro markazni yaratish tashabbuslarini ilgari surdi.

Shavkat Mirziyoyev nutqi soʻnggida Oʻzbekiston barqaror va “yashil” rivojlanish sohasidagi hamkorlikka ochiqligini tasdiqladi.