O‘zbekistonda davlat sirlari reestri tuziladi

· O‘zbekistonda davlat siri bilan ishlashning yangi huquqiy va tashkiliy asoslari joriy etildi, deya xabar beradi Adliya vazirligi.

· Davlat siri sohasida yagona siyosatni davlat rahbari belgilaydi, qoidalarga rioya etilishini nazorat qilish esa Davlat xavfsizlik xizmati zimmasiga yuklanadi.

· Yangi qonun davlat sirlariga taalluqli ma’lumotlardan foydalanish va ularni himoya qilishni tartibga soladi, shuningdek ularni reestrga kiritish qoidalarini belgilaydi.

· Hujjatda axborot sirining uch darajasi ko‘zda tutilgan: “Alohida muhim”, “O‘ta maxfiy” va “Maxfiy”.

· Axborotni maxfiylashtirish muddati cheklangan: davlat siri uchun — 30 yildan ortiq bo’lmagan, rasmiy sir uchun — 10 yilgacha.

· Qonun uch oydan keyin kuchga kiradi, bu mamlakatda davlat axborotini boshqarish va himoya qilishni takomillashtirishga xizmat qiladi.