O‘zbekistonda milliy va xalqaro brend egalarini qo‘llab-quvvatlash choralari joriy etildi

O‘zbekiston Vazirlar Mahkamasi milliy brendlar egalari va xalqaro brendlar hamkorlarini Savdoga ko‘maklashish jamg‘armasi orqali qo‘llab-quvvatlashga qaratilgan yangi qarorni tasdiqladi.

· 2024-yil 8-noyabrda tasdiqlangan 748-son qarori milliy brendlar egalari va ularning hamkorlarini qo‘llab-quvvatlash tartibini belgilaydi.

· Xalqaro brendlar hamkorlari uchun xalqaro standartlar va sertifikatlarni joriy etish xarajatlari qoplanadi, shuningdek, taniqli brendlar ostida mahsulot ishlab chiqarish uchun 1 million dollardan boshlab grantlar ajratiladi.

· Milliy brendlar egalari tovar belgilarini xorijda standartlashtirish va ro‘yxatdan o‘tkazish bilan bog‘liq xarajatlarning 50 foizigacha qoplanishi mumkin bo‘ladi.

· Shuningdek, xalqaro bozorlarga chiqish, binolarni ijaraga olish va ko’rgazmalarda ishtirok etish uchun ko’mak ko’rsatiladi, bu brendlarning tashqi bozorlarda ko’rinishini oshirishga yordam beradi.

· Bundan tashqari, brend egalari CRM va ERP kabi avtomatlashtirish axborot tizimlarini joriy etish uchun mablag’ olishlari mumkin bo’ladi.

· Xorijiy mutaxassislarni jalb qilish va mahalliy kadrlarni tayyorlash xarajatlarini qoplash ham qo‘llab-quvvatlash dasturiga kiritilgan.

Mazkur chora-tadbirlar o‘zbek brendlarining xalqaro maydonda raqobatbardoshligini oshirish, ularning rivojlanishini rag‘batlantirishga qaratilgan.