Prezident Toshkentda “yashil belbogʻ” loyihasi doirasida koʻchat oʻtqazdi (foto)

O‘zbekiston Prezidenti Shavkat Mirziyoyev 23 noyabr kuni Toshkent shahri atrofida “yashil belbog‘”ni shakllantirish loyihasi doirasida Bektemir tumanida barpo etilgan yangi bog‘ga ko‘chat o‘tqazish marosimida ishtirok etdi.

· Bogʻ “Yashil Makon” milliy tashabbusi doirasida tashkil etilmoqda va Toshkent halqa yoʻli boʻyida joylashtiriladi.

· Loyihani amalga oshirish uchun 100 gektar yer maydoni ajratilib, ikki yilda 100 ming tup daraxt va buta ko‘chatlari ekish rejalashtirilgan.

· Oʻsimliklarni sugʻorish maqsadida uchta sunʼiy suv ombori va 12 ta quduq yaratish hamda tabiiy oʻrmon ekotizimini shakllantirish rejalashtirilgan.

· “Yashil Makon” loyihasi uch yil avval boshlangan bo‘lib, O‘zbekiston shaharlarini ko‘kalamzorlashtirishni 30 foizgacha oshirish, jumladan, ular atrofida “yashil belbog‘lar” yaratishni ko‘zda tutadi.

· Tadbirda hukumat aʼzolari, jamoatchilik vakillari va xorijiy diplomatlar ishtirok etib, ushbu ekologik tashabbusga qoʻshgan hissasi uchun minnatdorchilik bildirdilar.

· Joriy kuz mavsumida loyiha bo‘yicha 80 million dona ko‘chat ekish rejalashtirilgan bo‘lsa, bahorda 138 million dona ko‘chat ekildi.

· Vazirliklar va mahalliy davlat hokimiyati organlari tomonidan 257 ta istirohat bog‘lari tashkil etilib, sanoat korxonalari, chiqindixonalar atrofida ham “yashil belbog‘lar” tashkil etilmoqda.

· “Mening bog‘im” tashabbusi doirasida g‘olib deb topilgan 215 ta loyiha uchun bosqichma-bosqich daraxt ekish boshlandi.

· Uch yil davomida mamlakatimizda 646 million dona ko‘chat ekildi, Orolbo‘yida yashil maydonlar maydoni 2 million gektardan oshdi.

Shu tariqa, O‘zbekistonda ko‘kalamzorlashtirish va ekologik vaziyatni yaxshilashga ko‘maklashuvchi “Yashil Makon” loyihasi faol targ‘ib qilinmoqda.