Qashqadaryoda antiqa tangalarni noqonuniy olib chiqishga chek qo‘yildi

Qashqadaryo viloyati bojxona boshqarmasi xodimlari tomonidan Buxoro amirligi davriga oid qadimiy tangalarni noqonuniy olib chiqishga urinishning oldi olindi.

· Moskvaga uchib ketmoqchi bo‘lgan fuqaro X.K.ning bagajini tekshirish chog‘ida bojxona deklaratsiyasida ko‘rsatilmagan tarixiy qiymatga ega bo‘lgan metall tangalar aniqlangan.

· Rentgen tekshiruvi chogʻida Oʻzbekistondan olib chiqib ketish taqiqlangan 50 yildan ortiq vaqt oldin zarb qilingan 116 dona qadimiy tangalar olib qoʻyildi.

· Qo‘lga olingan tangalar Qashqadaryo viloyati tarix va madaniyat davlat muzeyiga topshirilib, ular saqlanadi va ekspertizadan o‘tkaziladi.

· Madaniy meros agentligi xulosasida aytilishicha, musodara qilingan tangalar orasida Buxoro amirligi davrida chiqarilgan nusxalar ham bor.

· Voqea yuzasidan qo‘lga olingan fuqaroga nisbatan ma’muriy ish qo‘zg‘atildi.