Qozog‘iston bilan chegaradagi “Navoiy” nazorat-o‘tkazish punkti ikki yillik faoliyatsizlikdan so‘ng faoliyatini tikladi (+foto)

· O‘zbekistonning Qozog‘iston bilan chegarasida Prezident Shavkat Mirziyoyev farmoni asosida rekonstruksiya qilingan “Navoiy” chegara-bojxona posti yana ishlay boshladi.

· Postning rekonstruksiya qilinishi uning o‘tkazish imkoniyatini sezilarli darajada oshirdi: endi u orqali kuniga 15 minggacha piyoda o‘tishi mumkin, bu avvalgi darajadan uch barobar ko‘pdir.

· Engil avtomashinalar harakati to’rt baravar ko’paydi va bugungi kunda kuniga 600 ta avtomobilni tashkil etmoqda. Avtobuslar uchun alohida yo‘laklar tashkil etilib, post hududida 500 ta avtomobil va 100 dan ortiq avtobus uchun to‘xtash joyi qurildi.

· Yangilangan nazorat-o‘tkazish punkti orqali kelgan birinchi yo‘lovchini Bojxona qo‘mitasi raisi Akmalxo‘ja Mavlonov kutib oldi.

· “Navoiy” posti orqali yuk tashish harakati vaqtincha cheklangan, biroq kelajakda uning ochilishi kutilmoqda.

· 2024-yilda O‘zbekiston va Qozog‘iston o‘rtasidagi chegara o‘tkazish punktlari orqali har kuni 31 mingdan ortiq, yiliga qariyb 11,4 million kishi o‘tgan.

· Yuk va yoʻlovchi avtomobillari tashish ham 2023-yilga nisbatan 27 foizga oshib, 1,213 milliondan ortiq avtomobilni tashkil etdi.

· 2022-yil 1-dekabrda “Navoiy” nazorat-o‘tkazish punkti yopilgunga qadar u orqali yiliga o‘rtacha 1 million yo‘lovchi o‘tgan.

“Navoiy” chegara postining ta’mirlanishi ikki davlat o‘rtasidagi transport aloqalarini yaxshilash va fuqarolarning harakatlanishini osonlashtirishga qaratilgan.