Rossiya Markaziy Osiyoda har qanday davlatlar guruhining ustunligini o’rnatishga qarshi» — Sergey Lavrov

· Rossiya Tashqi ishlar vaziri Sergey Lavrov, Samarqanddagi tashrifi davomida «Markaziy Osiyo+» hamkorlik formatining ommalashayotganini izohlar ekan, «Markaziy Osiyo + Rossiya» sammitining 2025 yilning kuzida o’tkazilishi rejalashtirilayotganini ma’lum qildi.

· Lavrovning so’zlariga ko’ra, sammit oktyabr oyida Dushanbeda O’zbekiston, Qozog’iston, Qirg’iziston, Tojikiston va Turkmaniston rahbarlarining ishtirokida bo’lib o’tadi.

· U, shuningdek, Rossiya tomoni hamkorlik jarayonlarini siyosiylashtirishga qarshi ekanligini va bu jarayonga ideologik elementlarni kiritish harakatlariga e’tibor qaratdi.

· Lavrov, G’arb davlatlarining Markaziy Osiyo mamlakatlari bilan aloqalaridagi yondashuvlarini tanqid qildi va bu yondashuvlar o’z manfaatlarini ilgari surishga qaratilganini ta’kidladi.

· U, shuningdek, Markaziy Osiyo davlatlari o’zlarini himoya qilish uchun bunday harakatlarni yaxshi anglayotganini va ular bilan o’zaro hamkorlikni to’g’ri yo’naltirish zarurligini ta’kidladi.

· Eslatib o’tish joizki, aprel oyida Samarqandda «Markaziy Osiyo — Yevropa Ittifoqi» sammiti o’tkazilgan bo’lib, unda Markaziy Osiyo davlatlari rahbarlari va Yevropa Ittifoqi rahbarlari ishtirok etgan.

· Sammit natijasida Markaziy Osiyo va Yevropa Ittifoqi o’rtasida strategik hamkorlikni mustahkamlovchi deklaratsiya qabul qilindi.

· Ushbu hujjat savdo, transport, energetika, raqamli aloqa va suv resurslarini boshqarish sohalarida hamkorlikni rivojlantirishga qaratilgan.