Saylov islohotlarini davom ettirish istagida MSK YXHT/DIIHB tomonidan qo‘llab-quvvatlandi

· YeXHT Demokratik institutlar va inson huquqlari bo‘yicha byurosi (DIIHB) va YXHT Parlament Assambleyasi (PA) missiyasi 27-oktabr kuni O‘zbekistonda bo‘lib o‘tgan parlament saylovlarining dastlabki natijalarini taqdim etdi.

· Kuzatuvda asosiy guruhning 17 nafar eksperti va 26 nafar uzoq muddatli kuzatuvchi ishtirok etdi, saylov kuni esa 33 mamlakatdan 322 nafar kuzatuvchi jalb etildi.

· Roʻyxatdan oʻtgan barcha siyosiy partiyalar saylovoldi tashviqotini teng sharoitlarda oʻtkazish imkoniga ega boʻldi, bu ekspertlar tomonidan ijobiy holat sifatida qayd etildi.

· Kuzatuvchilar saylovga tayyorgarlik ko‘rish va jarayonning shaffofligini, jumladan, Markaziy saylov komissiyasi (MSK) majlislarining real vaqt rejimida translyatsiya qilinishini baholadi.

· 2023-yilda kuchga kirgan Konstitutsiyaga kiritilgan o‘zgartirishlar muomalaga layoqatsiz deb topilgan va ozodlikdan mahrum etilgan fuqarolarga qo‘yiladigan cheklovlarni bekor qilish orqali saylov huquqlarini takomillashtirildi.

· Ayollar uchun gender kvotasi joriy etildi, 30 foizdan 40 foizga oshirildi, bu ularning parlamentdagi vakillik darajasini oshirishga xizmat qildi.

· Ovoz berish huquqi bo‘yicha shikoyat berish uchun yig‘imlar bekor qilindi, nizolarni hal qilish muddati xalqaro standartlarga mos keladi.

· Barcha murojaatlar ro‘yxatini majburiy yuritish joriy etildi, bu esa saylov komissiyalari faoliyatining ochiqligi va mas’uliyatini oshirdi.

· Saylov jarayonida, shu jumladan, bir necha marta ovoz berishda huquqbuzarliklar uchun ma’muriy javobgarlikka tortish choralari ko‘rildi.

· Partiyalar o‘rtasida debatlar o‘tkazgan, nomzodlarga o‘z dasturlarini muhokama qilish uchun platforma taqdim etgan xususiy telekanallar tashabbusi ijobiy ta’kidlandi.

· Shu bilan birga, kuzatuvchilar mahalla qo‘mitalari faol ishtirok etayotgani, mustaqil nomzodlar yo‘qligi kabi kamchiliklarni ham ta’kidladi.

· O‘zbekiston Markaziy saylov komissiyasi DIIHB tavsiyalarini amalga oshirish rejasini ishlab chiqdi va saylov sohasidagi islohotlarni davom ettirish niyatida.