SF Airlines aviakompaniyasi Toshkentga parvozlarni boshladi

· 2-aprel kuni Xitoyning SF Airlines aviakompaniyasi Lanchjou – Toshkent – Lanchjou yo’nalishida birinchi yuk reysini amalga oshirdi.

· Boeing 757 turidagi samolyot Toshkent xalqaro aeroportiga mahalliy vaqt bo’yicha 10:40da qo’nib, an’anaga ko’ra, suv arqoni bilan kutib olindi.

· Yuk aviatsiya aloqalari dastlab haftasiga ikki marta amalga oshiriladi, keyinchalik reyslar soni oshirilishi rejalashtirilgan.

· SF Airlines — 2005 yilda tashkil etilgan va Xitoyning eng yirik yuk aviakompaniyalaridan biri bo’lib, uning bosh qarorgohi Shenchjenda joylashgan.

· Aviakompaniya Xitoyning eng yirik logistika guruhlaridan biri bo’lgan SF Holding Company Limited tarkibiga kiradi.