Texnikum bitiruvchilari oʻrtacha balldan kelib chiqib bakalavriatda oʻqishni davom ettirishlari mumkin boʻladi.

· O‘zbekiston Prezidentining kasb-hunar ta’limi tizimida malakali kadrlar tayyorlashni takomillashtirish va xalqaro ta’lim standartlarini joriy etishga qaratilgan qarori qabul qilindi.

· Farmonda mavjud kasb-hunar ta’limi muassasalarini optimallashtirish va ta’limning barcha bosqichlarida mutaxassislar tayyorlaydigan yagona texnikumlar tarmog‘ini yaratish ko‘zda tutilgan.

· Texnikumlarda kadrlar tayyorlash xalqaro ta’lim standart tasnifi va O‘zbekiston Milliy malaka tizimi talablariga muvofiq amalga oshiriladi.

· Boshlang‘ich, o‘rta va o‘rta maxsus kasb-hunar ta’limi dasturlari amalga oshiriladi, shuningdek malaka oshirish bo‘yicha qisqa muddatli kurslar taklif etiladi.

· 9-sinfni tamomlagan o‘quvchilarning boshlang‘ich kasb-hunar ta’limi dasturlari davlat grantlari hisobidan moliyalashtiriladi.

· O‘rta va o‘rta maxsus, kasb-hunar ta’limi ham davlat granti asosida, ham to‘lov asosida amalga oshiriladi.

· O‘rta maxsus ta’lim yo‘nalishlari bitiruvchilari universitet tomonidan belgilangan to‘plangan modullar, kreditlar va o‘rtacha ball (GPA) asosida tegishli kursdan boshlab bakalavriatda o‘qishni davom ettirishlari mumkin bo‘ladi.

· Farmon ta’lim sifatini oshirish va zamonaviy mehnat bozori talablariga javob beradigan yuqori malakali mutaxassislarni tayyorlashga qaratilgan.