Toshkent Prezident maktabi “Global o‘rta maktablar” nominatsiyasida Zayed Barqarorlik mukofotini qo‘lga kiritdi

Toshkent Prezident maktabi Barqaror rivojlanish sohasidagi yutuqlari uchun Shayx Zayed Al Nahayan mukofotining Global o‘rta maktablar nominatsiyasida taqdirlandi.

· Mukofotni Abu-Dabi shahrida boʻlib oʻtgan, Oʻzbekiston Prezidenti Shavkat Mirziyoyev ham ishtirok etgan marosimda BAA Prezidenti Shayx Muhammad bin Zoid Ol Nahayon topshirdi.

· Maktab tomonidan taqdim etilgan loyiha yomg‘ir suvini to‘plash va filtrlash tizimini o‘z ichiga oladi, bu esa undan ichimlik suvi sifatida foydalanish imkonini beradi. G‘oya ikki talaba tomonidan ishlab chiqilgan bo‘lib, qishloq joylarda ichimlik suvi taqchilligi muammosini hal qilishga qaratilgan.

· Loyihani amalga oshirish uchun yomg‘ir suvini maishiy ehtiyojlar uchun qayta ishlashni ta’minlaydigan yopiq sisternalar va filtrlash uskunalarini qo‘llash rejalashtirilgan.

· Zayed Barqarorlik mukofoti 2012-yilda tashkil etilgan va barqaror rivojlanish sohasida innovatsion loyihalarni taklif qiluvchi dunyoning turli mintaqalaridan oltita umumta’lim maktablariga beriladi.

· G‘oliblar o‘z jamoalarida salomatlik, oziq-ovqat xavfsizligi va suv ta’minotini yaxshilash bo‘yicha o‘z g‘oyalarini amalga oshirish uchun 150 000 dollargacha mablag‘ oladi.

· Mukofot ta’sis etilganidan buyon uning laureatlari, jumladan, 55 mingdan ortiq talaba butun dunyo bo‘ylab qariyb 900 ming kishining hayotiga ijobiy ta’sir ko‘rsatdi, 7,3 million kVt/soat elektr energiyasi ishlab chiqardi va CO2 chiqindilarini 5719 tonnaga kamaytirdi.

Toshkent Prezident maktabida erishilayotgan yutuqlar barqaror rivojlanish, yoshlarning global muammolarni hal etishda faol ishtirok etishi muhimligini ta’kidlamoqda.